Мектепке дейінгі ұйымдарда патриоттық тәрбиенің негізін қалыптастыру- балалардың Отанға, елге, туған жерге, өз отбасына, балабақшасына деген сүйіспеншілігін арттыру. Өз-өздерін танып, әлеуметтенуіне, кәсіби интеллектуалды және болашақ мамандық иесі болуына жағдай жасау .

Мақсаты

• Денсаулығы зор, рухани дүниесі бай, адамгершілікті, тәуелсіз жеке тұлғаны қалыптастыруға ықпал ететін тәрбие жүйесін құру және дамыту;
• балалар мен жастарды отансүйгіштікке, зиялылыққа, адам құқықтары мен бостандықтарын, мемлекеттік рәміздер мен ұлттық дәстүрлерді сыйлауға тәрбиелеу;

Міндеті

• Мектеп жасына дейінгі балалардың ерекшеліктері, жеке мүмкіндіктеріне сәйкес білім, білік, дағдыларын, рухани адамгершілік құндылықтарын қалыптастыру “Мәңгілік ел” жалпыұлттық идеясына негізделген жалпыадамзаттық құндылықтарға, ұлтжандылыққа және толеранттылыққа тәрбиелеу мақсаты қойылған.

        Қай ел, қай қоғамда болмасын адамзат баласы жас ұрпақ тәрбиесіне зор мән берген. Өркениет жолында алға ұмтылған ұлт ең алдымен келешек ұрпаққа оқу-білім және өнегелі тәрбие беру ісін дұрыс жолға қоюы тиіс.          Патриоттық сезім жалпы адам баласының елін, жерін, өз тілі мен мәдениетін, тарихи ұлттық құндылықтарын қастерлейтін, батырларын үлгі тұтатын, елінің болашағына сеніммен қарап, өзіндік бағасын түйсінуін, қуаттап, қолдауын пайымдайтын көрсеткіші болып табылады.

           Халықта «Ағаш түзу, әдемі болып өсу үшін оны көшет кезінде баптау керек, ал қисық ағаш болып өскенде оны түзете алмайсың» деп бекер айтылмаған. Сондықтан баланың бойына жастайынан ізгілік, мейірімділік, қайырымдылық қасиеттермен үлкенді сыйлайтын ұрпақ тәрбиелеуде тәрбиешінің ролі зор.

Балаларды қазақ халқының және басқа халықтың мәдени мұрасына,

халық ауыз әдебиеті шығармашылығына ,ұлттық ойындарына , өнеріне баулу бүгінгі күннің өзекті мәселелернің бірі болып табылып отыр.

    Мектепке дейінгі білім беру ұйымдарында балаларға патриоттық тәрбие беруде ең басты қағадалар:        

-Өз отбасының тарихын ,туған - туыстары ,отбасылық дәстүрлерін үйрету ;

-Өнімді , шығармашылық ,ойын әрекет түрлерін дамыту .

-Балаларды туған елінің тарихымен, әнұран , елтаңба , туымен және

балабақшаның дәстүрлерімен , өзі тұратын ауылдың , қаланың тарихымен , қаланың көрікті жерлерімен таныстыру.

-Қарапайым еңбек дағдыларын жетілдіру ,еңбекті бағалап , еңбек адамына

құрметпен қарау .